Hollandsferð, Laugardalsvöllur og fögnuður

Á fimmtudaginn fór ég ásamt vinum og kunningjum í tólfunni í helgarferð til Hollands á leikinn! Markalaust í hálfleik sem varð síðan sigur “VALLA” 3 punktar!
Hollensku vallarverðirnir reyndu allt hvað þeir gátu að dempa möguleika okkar á að hafa hátt og hvetja með því að meina okkur aðgang inn með trommufætur og standa, þeir tóku standana en gátu ekkert stoppað okkur því við Joey héldum trommunum uppi einhvern megin með hjálp tólfufagmanna. 3-4.000 Íslendingar sýndu 50.000 Hollendingum hvernig á að gera þetta!
Á heimferð var síðan tekin smá krókaleið á Ölver og Laugardalsvöll þar sem íslenska liðið reyndi hvað þeir gátu að komast í gegnum rútu kasaka sem þeir lögðu fyrir markið… Niðurstaðan sú að Ísland er komið á EM þegar 2 leikir eru eftir (hvaeraðfrellameðþað)!

Þegar kvölda tók á spilaði ég á íslenska barnum sem endaði í fjöldasöng þar sem ég var að leiða verðandi tólfur og fékk heimsókn frá landsliðspungunum Gunnleifi, Alfreð, Óla og Ara þar sem Gunnleifur og Óli rifu í smá chant og söng! Þvílík stemning sem var þar og eins gott að ég sé búinn að hlusta og læra af Drumsen!!!

Ég vil þakka öllum fyrir sem fóru út og öskruðu, klöppuðu, stöppuðu og sungu úr sér líftóruna og sérstakar þakkir fær Árni Þór Gunnarsson fyrir að leiða Ölver… lengi lifi tólfan og takk fyrir mig!

Dam-torgið verður okkar!

Fyrir nokkru síðan birtist frétt í norskum fjölmiðlum sem fjallaði um Íslendinga innan norskra liða. Greinahöfundur hafði farið yfir sögu þeirra liða sem snéru sér úr fallbaráttu yfir í toppbaráttu. Þegar hann fór að skoða hvað það væri sem liðin hefðu gert til þess að ná þessum árangri kom í ljós að umleið og keyptir eru Íslendingar inn í liðið þá virðist leikur liðsins snar batna. En þetta er ekki bara að gerast í norsku deildinni. Nýlega var „glugginn“ opnaður og margir af okkar bestu leikmönnum gerðu félagaskipti. Eftir það hefur internetið svoleiðis brunnið yfir af fallegum fyrirsögnum um velgengni okkar fólks út í heimi.

Continue reading Dam-torgið verður okkar!

Að vera Tólfa á útileikjum

Að vera alvöru Tólfa þýðir ekki endilega að maður verði að mæta á alla útileiki. Tólfan virðir það að allir hafa ekki efni á eða möguleika á að komast á útileiki. Mér finnst alveg frábært hvað það eru margir sem að eru að fara til Hollands og sjá sögulegan viðburð. Hvernig sem leikurinn fer er nú þegar búið að skrifa þennan leik í sögubækurnar, aldrei hafa fleiri Íslendingar farið á útileik með íslenska landsliðinu. Ég veit að allar okkar Tólfur sem verða þar munu syngja sig hása á vellinum og mun ekki fara framhjá neinum að Tólfan er mætt. En við hin sem komumst ekki til Hollands munum kappkosta við að mynda stemningu hér heima á heimavelli Tólfunnar, Ölveri. Að horfa á útileik í sjónvarpi (skjávarpa) á pöbb hljómar kannski ekki spennandi fyrir marga. Sumir spyrja sig örugglega af hverju að fara á pöbb þegar ég get horft á þetta heima?

Ég viðurkenni að ég fékk smá kjánahroll fyrst þegar ég var að horfa á leik á ölver og menn voru að syngja með og tralla. Mér eins og öruggleg mörgum fannst að þetta ætti bara heima í stúkunni. En sannleikurinn er sá að það er ótrúlega gaman að taka þátt í stemningu og syngja saman með fótboltaleik (meira að segja inná pöbb). Stemningin sem myndaðist á ölver yfir útileiknum á móti Noregi var svakaleg. Það var ótrúlegt að upplifa þetta móment þegar leikurinn endaði og í ljós kom að Ísland væri að fara í umspil í undankeppni HM, ég endurtek ÍSLAND á leiðinni í umspil í undankeppni HM, hver hefði trúað því????
Stemningin þá var ótrúleg og ég er svo ánægður að hafa ekki horft á leikinn heima heldur verið með Tólfunni á Ölver.

Því segi ég við alla þá sem komast ekki til Hollands að það kemur ekki til greina að horfa á leikinn heima. Ölver er staðurinn og þar verður svaka stemning sem undir forystu Árni (Superman) verður geðveik. Þó að ég sé ekki að fara til Hollands get ég varla beðið eftir leiknum, ég er svo peppaður(svo ég vitni í drummerinn) að það er ótrúlegt.

Ég er stolt Tólfa
Með Tólfukveðju

Ósi Kóngur (aka vinur supermans)

HM í Rússlandi 2018

Já nú er sko komið að því sem flest okkar ef ekki öll okkar hafa beðið eftir og það er drátturinn í riðlana fyrir undankeppni heimstaramótsins í knattspyrnu árið 2018 í Rússlandi.

Dregið verður í Sánkti Pétursborg í dag í undankeppni heimsmeistaramótsins í dag og má með sanni segja að með því hefjist leiðin til Rússlands. Fyrsta skref af mörgum ef svo má segja.

Klukkan 15:00 á íslenskum tíma hefst útsendinga frá drættinum og verður honum meðal annars sjónvarpað á RÚV 2 (hliðarrás Ríkissjónvarpssins). Jérôme Valcke yfirritari FIFA mun annast dráttinn og framkvæmd hans.

Í þetta skiptið verður mótið í Evrópu líkt og áður hefur komið fram sem þýðir að Evrópa fær einu sæti meira á mótinu en árið 2014 þegar mótið fór fram í Brasilíu. Eru það einstaklega góðar fréttir fyrir okkur Íslendinga sem voru grátlega nærri því, í raun hársbreidd frá því að komast á mótið í Brasilíu.

52 af 53 aðildarþjóðir frá FIFA verða með í undankeppninni og dregnar í riðla í dag. Rússland komast sjálfkrafa á mótið sem gestgjafar og Gíbraltar sem eru að taka þátt í sinni fyrstu undankeppni núna fyrir evrópumótið í Frakklandi á næsta ári eru ekki viðurkenndir af FIFA. Það er af sem áður var að heimsmeistararnir fari sjálfkrafa í keppni og þurfa því ríkjandi heimsmeistarar Þjóðverja að taka þátt í undankeppninni.

Þjóðirnar 52 verða dregnar í 9 riðla þar sem 7 þeirra innihalda 6 þjóðir og tveir þeirra innihalda 5. Verða riðlarnir leiknir á tímabilinu 4. september 2016 til 10. október árið 2017. Nýjar reglur sökum sjónvarpsréttar (og löng saga að segja fría því) kveða á að þjóðirnar 6, England, Frakkland, Þýskaland, Ítalía, Spánn og Holland skulu garanterað dregnar í 6 liða riðil. Er það að sjálfsögðu best fyrir Ísland að enda í 6 liða riðli þar sem að liðið mun þá leika fleiri keppnisleiki og færri vináttuleiki en keppnisleikir gefa mun fleiri stig á FIFA listanum og Ísland fá ef svo má segja gefins helling af stigum frá liðinu í sjötta styrkleikaflokk því ætla má að þeir leikir vinnist örugglega. Þjóðirnar 10 í 5 liða riðlunum munu svo skiptas á að leika vináttuleiki við Rússa en UEFA mun sjá um að tilkynna þær dagsetningar.

Sigurvegararnir í riðlunum 9 munu fara sjálfkrafa á mótið en þau 8 lið með besta árangurinn í öðru sæti síns riðils munu leika umspil heima og að heiman um það hvaða þjóð fylgir sigurvegurum riðlanna.

Röðun í styrkleikaflokkana 6 fyrir dráttinn í dag ræðst af stöðu liðana á FIFA listanum eins og hann stendur núna í júlí. Má því segja að drátturinn komi á besta tíma fyrir okkar þjóð þar sem liðið okkar er sem stendur í sæti 23 á lista FIFA eða sextánda sæti yfir Evrópu.

Ísland gerði mjög heiðarlega tilraun til þess að komast á mótið 2014 verandi í töluvert lakari styrkleikaflokki svo núna eru allar forsendur með okkur til þess að gera enn harðari atlögu að sæti á HM 2018.

Áfram Ísland!

Ísland – Tékkland

Jæja elsku tólfubræður og systur, nú fer svo sannarlega að styttast í einn stærsta leik sögunnar hjá íslenska landsliðinu. Ísland – Tékkland fer fram næstkomandi föstudag, 12.júní á Laugardalsvelli, leikurinn er auðvitað uppgjör toppliðanna í A-riðli og getur sigurliðið nánast farið að pakka fyrir ferð til Frakklands fyrir Evrópumótið sjálft. Tékkar eru efstir með 13 stig á meðan Ísland er í öðru sæti með 12 stig.
Ég ætla ekki einu sinni að spyrja hér hvort allir séu tilbúnir, það er óþarfi. Þegar þessi pistill er skrifaður er rúm vika í leikinn. Það sést hins vegar mæta vel á t.d Facebook að það eru allir tilbúnir í þennan leik og mikil umræða komin af stað og menn fáranlega spenntir og skiljanlega.

Stemningin á Laugardalsvelli verður einfaldlega tekin á næsta stig. Við ætlum að ná hæðum sem við höfum ekki náð áður og ætlum við öll að leggjast á eitt til að búa til svöðulega stemningu, söngva og læti sem seint verður toppuð. Allir sem einn, við ætlum að gefa okkur 150% í þetta, allan leikinn. Við vitum að leikmennirnir gera það sama, fyrir Ísland og fyrir okkur, Tólfuna.

En aðeins að staðreyndum um leikinn. Einu stigin sem Ísland hefur misst af í keppninni til þessa var einmitt gegn Tékklandi í Plzen og er tékkneska liðið jafnframt það eina sem hefur náð að skora gegn strákunum okkar. Það er hins vegar alveg á hreinu að á góðum degi getur liðið okkar unnið hvaða lið sem er og þar á meðal auðvitað Tékkana. Tékkar misstigu sig gegn Lettum í síðasta leik og eins og flestir muna, fóru Íslendingar nokkuð létt með þá á útivelli og sigruðu 0-3.

Það er ekki hægt að neita því að Tékkar unnu verðskuldaðan sigur í Tékklandi. Þeir fengu fleiri færi og opnuðu vörnina eins og fá lið hafa gert síðustu ár. Leiknum verður hins vegar minnst fyrir stórkostlega stemningu og frábæra mætingu íslenskra stuðningsmanna þannig að varla annað eins hefur sést á útileik hjá liðinu.

Ef við skoðum þetta tékkneska lið aðeins þá sjáum við að þeir eru með hörku mannskap. Við skulum líta á þá helstu.
Petr Chech: Þennan mann þarf ekki að kynna fyrir fólki sem hefur fylgst með ensku úrvalsdeildinni síðustu ár en hann var aðalmarkmaður Chelsea um árabil og einn allra besti markmaður Evrópu á sínum degi. Það gæti hins vegar unnið með okkur að hann hefur ekki spilað mjög mikið síðasta ár og virtist hann einmitt nokkuð ryðgaður gegn Íslandi í fyrri leik liðanna.
Michal Kadlec: Kadlec er kletturinn í vörn Tékkana, hann er góður í loftinu og mjög klókur, bæði í tæklingum sem og að komast inn í sendingar. Framherjarnir okkar verða að eiga góðan leik til að komast framhjá Kadlec.
Tomáš Rosický: Annar maður sem þarf ekki að kynna fyrir stuðningsmönnum enskrar knattspyrnu. Rosický hefur spilað með Arsenal síðustu níu tímabil. Hann er fyrirliði landsliðsins og heilinn í sóknarleik þeirra. Hann gefur frábærar sendingar og er með virkilega góð skot sé hann í stuði. Ísland þarf að gera það sem Tékkar gerðu við Gylfa Sigurðsson í fyrri leiknum og gjörsamlega loka á hann.
Jaroslav Plašil: Nokkurn vegin Aron Einar þeirra Tékkana. Plašil gefur aldrei neitt eftir. Hann er mjög góður miðjumaður sem þarf að varast. Hann er einnig með mörk í sérflokki og þarf passa að hann komist ekki í færi. Plašil er gríðarlega reynslumikill og hefur leikið á nokkrum stórmótum með Tékkunum ásamt því að komast í úrslitaleik Meistaradeildarinnar með Monaco um árið.
David Lafata: Helsti sóknarmaður Tékka. Lafata er markahæsti maðurinn í sögu tékknesku úrvalsdeildarinnar. Hann er markahrókur eins og þeir gerast bestir og þurfa varnarmenn Íslands að eiga góðan leik til að halda honum niðri. Hann hefur ekki skorað neitt rosalega mikið með landsliðinu en hann hefur verið gríðarlega duglegur með félagsliðum sínum í gegnum tíðina.

Líkleg byrjunarlið:

Ísland:

isl-cze-island

Tékkland:

isl-cze-tekkland

Nokkrir fróðleiksmolar:

• Liðin hafa mæst alls níu sinnum áður. Tékkar hafa unnið sjö, einu sinni hafa liðin gert jafntefli og Ísland hefur unnið einn leik.
• Atli Eðvaldsson þjálfaði Ísland er þeir unnu Tékka í eina skiptið. Það var í undankeppni HM, 1.september 2001. Þá skoraði Eyjólfur Sverrisson tvö mörk á meðan Andri Sigþórsson skoraði eitt.
• Ísland hefur ekki tapað í fimm leikjum í röð á heimavelli í keppnisleikjum, þeir hafa unnið fjóra, gert eitt jafntefli og hafa ekki fengið á sig mark í síðustu fjórum leikjum á Laugardalsvelli.
• Tékkar eru eitt af 11 liðum sem hafa ekki ennþá tapað í undankeppninni. Hin liðin eru Belgía, Wales, Slóvakía, Pólland, England, Rúmenía, Austurríki, Svíþjóð, Króatía og Ítalía.
• Tékkar hafa unnið fjóra af síðustu fimm útileikjum sínum.
• Petr Cech og Eiður Smári voru liðsfélagar hjá Chelsea frá 2004 til 2006.
• Íslensk og tékknesk félagslið hafa alls mæst tíu sinnum í Evrópuleikjum. Tékknesku liðin hafa unnið átta og tvisvar hafa lið gert jafntefli í þessum viðureignum.

Leikir Íslands til þessa: Ísland-Tyrkland 3-0, Lettland-Ísland 0-3, Ísland-Holland 2-0, Tékkland-Ísland 2-1, Kasakstan-Ísland 0-3.

Leikir Tékklands til þessa: Tékkland-Holland 2-1, Tyrkland-Tékkland 1-2, Kasakstan-Tékkland 2-4, Tékkland-Ísland 2-1, Tékkland-Lettland 1-1.

Dömur mínar og herrar, mætum dýrvitlaus á Laugardalsvöll 12. Júní 2015 og styðjum strákana fram í rauðan dauðan. Þetta verður ROSALEGT..

ÁFRAM Ísland og lengi lifi Tólfan.