Stuðningsmannalið íslensku landsliðanna
Þá er bara einn leikur eftir í undankeppninni og það er úrslitaleikur um að komast í umspilsviðureignir um síðasta sætið sem verður í boði á HM í Frakklandi á næsta ári. Við viljum meira, við viljum umspil, við viljum HM!
Eftir gjörsamlega stórkostlegan leik í Þýskalandi, þar sem íslenska liðið yfirspilaði gríðarlega sterkt, þýskt landslið, er komið að seinni leiknum í þessari törn. Aftur er það útileikur, í þetta skipti er það hins vegar Tékkland. Þrátt fyrir góðan leik á föstudaginn þá þýðir ekkert að fara fram úr sér, þetta tékkneska lið getur alveg líka verið erfitt. En Ísland er svo sannarlega búið að koma sér í góða stöðu í riðlinum.
