Þá er það seinasti borgarpistillinn. Ég mun fjalla bæði um París og Saint-Denis í þessum pistli enda er Ísland að keppa við Austurríki þann 22. júní, klukkan 21:00 að staðartíma (19:00 á Íslandi), á þjóðarleikvangi Frakka, Stade De France. Völlurinn er í úthverfi norðan við París en það úthverfi heitir einmitt Saint-Denis. Það er ljóst að við í Tólfunni munum hita upp á leikdag í Fanzone borganna, það er öruggast í ljósi ástandsins í Frakklandi í augnablikinu og ætlum við í Tólfunni ekki að gera neitt sem getur hugsanlega ógnað öryggi fólks. Þess vegna er allt gert með samráði við lögregluyfirvöld ytra. Ég mun fjalla sérstaklega um Fanzone borganna seinna í pistlinum en takið þó eftir að það eru tvö Fanzone á þessu svæði, eitt hjá Eiffel turninum og hitt í Saint-Denis. Saint-Denis Fanzone-ið er sá staður sem við verðum á á leikdag, þann 22. júní.
Borgarpistill : París/Saint-Denis
