Stuðningsmannalið íslensku landsliðanna
Nú styttist svo sannarlega í það að EM í Hollandi hefjist. Þá lýkur ferðalagi sem hófst þann 4. apríl 2015 þegar fyrstu leikirnir fóru fram í forkeppni undankeppninnar fyrir lokamótið. Íslenska liðið hóf sína þátttöku í undankeppninni 22. september 2015. Góður 2-0 sigur á Hvíta-Rússlandi gaf tóninn fyrir frábæra undankeppni þar sem íslenska liðið vann sinn undanriðil. Á næstu dögum munu koma fleiri upphitunarpistlar hingað inn en við byrjum á að kíkja aðeins betur á mótið sjálft.
Nú er búið að tilkynna hvaða knattspyrnukonur fara fyrir Íslands hönd á EM í Hollandi eftir tæpan mánuð. Freyr Alexandersson tilkynnti 23 leikmanna hóp í dag og nú er virkilega hægt að fara að peppa sig upp í þessa veislu. Við í Tólfunni látum ekki okkar eftir liggja, nú er upphitunartímabilið formlega hafið fyrir þetta stórmót og fram að móti munu birtast upphitunarpistlar um hitt og þetta varðandi mótið. Við byrjum á hópnum.
Continue reading “Íslenski hópurinn sem fer á EM í Hollandi”
Það er aftur kominn leikdagur! Í þetta skipti er það vináttuleikur hjá kvennalandsliðinu gegn Brasilíu. Það er nóg framundan hjá þessu glæsilega liði, lokakeppni EM í Hollandi hefst í júlí og þetta er mikilvægur liður í undirbúningnum fyrir mótið. Auk þess er þetta tilvalið tækifæri fyrir okkur stuðningsfólkið að mæta á völlinn og kveðja þær með stæl. Sendum þær vel peppaðar á EM, komaso!
Continue reading “A-landslið kvenna: leikur gegn Brasilíu og EM framundan”
Loksins, loksins er komið að öðrum landsleik á heimavelli! Ekki verra að það sé júníleikur, við kunnum öll vel við góða júníleiki. Og það er ekkert slorlið sem er að kíkja í heimsókn, fá lið eru betur mönnuð af heimsklassa fótboltaleikmönnum en það króatíska. Seinni leikur liðanna í riðlinum, Ísland á harma að hefna!
Það er komið að fyrsta alvöru keppnisleik ársins 2017 hjá íslenska karlalandsliðinu í knattspyrnu. Það er fyrsti leikur Íslands gegn landsliði Kósóvó.
